Plantun de Prouvènço

Pèr coumpara dos planto d'encò nostre

Selaginella selaginoides & Epilobium dodonaei subsp. dodonaei

Selaginella selaginoides

Selaginellaceae

Nom en français : Sélaginelle fausse sélagine.

Descripcioun :
Li selaginello soun de planto sènso flour (teridoufito) gaire mai grosso que de moufo. Aquesto meno, trachis dins li pelouso umido e li palun de mountagno. Au contro dis àutri selaginello de Prouvènço, li ramo vènon drecho e rebalon pas au sòu. Li fueio soun estacado en espiralo, bourdado de dènt e acabado pèr uno pouncho.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 2 à 10 cm
Fueio : Foundo
Tipe bioulougico : Camefite
Cicle bioulougico : Planto renadivo

Gènre : Selaginella
Famiho : Selaginellaceae

Ordre : Selaginellales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Estiéu

Sòu : Ca (Si)
Autour basso e auto : 1000 à 2700 m
Aparado : Noun
Juliet à avoust

Liò : Pelouso umido - Palun
Estànci : Subaupen à Aupen
Couroulougi : Bourealo
Ref. sc. : Selaginella selaginoides (L.) P.Beauv. ex Schrank & Mart., 1829

Epilobo(-di-fueio-de-roumanin)

Epilobium dodonaei subsp. dodonaei

Onagraceae

Noms en français : Epilobe à feuilles de romarin, Épilobe de Dodoens.

Descripcioun :
Epilobo que trachis en ribo d'aigo e dins lis esboudèu. Se recounèis subretout à si lòngui fueio que dounon d'èr à-n-aquéli dóu roumanin. La subsp. Dodonaei s'atrobo en plano fin qu'à l'estànci mountagnard. Sis estile soun de memo loungour que lis estamino.

Usanço :
Tant se poudrié qu'aguèsse li mémi usanço medicalo que lis àutris epilobo, pamens avèn pas d'entresigne segur pèr aquelo. Li jòuini fueio de la subsp. fleischeri èron acampado à passa tèms en Savoio e mesclado i soupo.